FELICITACIÓN DO NADAL

 



PAZ

        Por un Nadal humilde, sinxelo e CREATIVO. A esa persoa máxica capaz de crear nun intre
unha recua
 de ANXOS que ben poderían formar un exército de PAZ.

                Por ese ANXO convertido en regalo nesta sociedade individualista na que prima a soedade.

                Por ser quen de compartilo conmigo e eu, así mesmo, sentirme coa débeda de compartilo
con tod@s vós.

                Por ser feito (o ANXO) con moito agarimo e de xeito manual.

                Por poder voltar á infancia hoxe e sempre (tendo en conta que a persoa que fixo o ANXO ten máis de oitenta e cinco anos).

                Por ser capaces de facer coas nosas mans unha cadea que nos procure unión rexa cos nosos iguais.

                Por sentir a PAZ no noso interior na súa definición como "estado de tranquilidade e benestar da persoa exenta de molestias e conflitos, ou do lugar onde non hai ruído nin axitación".
            
                Por manter o espírito creativo.


               Por felicitar as Festas, o Nadal ou como vos pete chamarlle dun xeito diferente.

                Porque, definitivamente, o copia e pega non vai conmigo...

                Saúde, Humor e Paz neste ano 2023 que remata e SEMPRE.

Comentarios

Publicar un comentario

Publicacións populares deste blog

No Monte San Lois

Imaxe
        Un millón de grazas a Teresa Chouza (Marsonensa en Instagram) por cederme esta fotografía. Levaba días coas verbas entupidas na gorxa. Non eran quen de querer manifestarse. Nunca seremos mestres nas despedidas dos seres queridos. Hoxe fai unha semana que marchou a nosa amiga e a ela, sen permiso, lle adicamos as letras que seguen. Non sei por que non son as máis fermosas, hoxe fuxen xoguetonas e ceden o protagonismo á mestra, a unha mestra que poñía por diante ós seus alumnos e os seus valores e que fuxía da portada. Grazas, porque sei que lle gustarían e non as ía criticar. Había valorar a intención coa que foron escritas. IN MEMORIAM, TERESA LÓPEZ PEREIRA, falecida en Santiago de Compostela o día 13 de febreiro do ano 2.024     Non fuxiron os meus medos coa túa partida, máis a dor infundiu no meu ánimo os azos necesarios para decirte ADEUS, ata sempre. Só coñecemos a finitude desta vida. Unha enerxía marabillosa do alén, alentounos coa certe...
Ler máis

Outro outono

Imaxe
               E o rumor do río, ó seu paso, petando na porta do meu silencio para lembrarme que eu, insignificante pinga no seu caudal, acabarei arrastrada e asolagada no mar da inmensidade onde xa vives para sempre tí, amiga, compañeira. E un novo outono cimentando as bases dun inverno longo, onde a soidade acompaña as reflexións de noites escuras, frías e húmidas, e as letras volven, sempre, coma un río, destacando a súa presenza no medio da nada.
Ler máis

PRIMAVERA

Imaxe
                Estoupido de cores, rechouchíos de ledos paxariños, agromando flores de chamativas cores "ya es primavera en el Corte Inglés" pero se estás pobre e queres aforrar non unha perra senón tres, olla ó horizonte e desfruta é de balde e se o racho na camiseta deixa que corra o vento aire acondicionado sen instalación  e ó momento.
Ler máis